Faqat siz kiritgan narsa
Profil, o‘lchovlar, vazn, ovqatlar, dorilar va savollar. Joylashuv, kontaktlar yoki boshqa narsalarga kirish so‘ramaymiz. Ortiqcha hech narsa yig‘ilmaydi.
Ma’lumotlaringiz qanday himoyalangan
Sog‘liq ma’lumoti — eng nozik ma’lumot. Biz uni qanday saqlashimizni oddiy tilda tushuntiramiz.
Shifrlash
Ism, familiya, tug‘ilgan sana, email, yaqin odam kontakti va barcha sog‘liq ma’lumotlari bazada AES-256-GCM bilan shifrlangan. Kalit bazada emas — serverning alohida himoyalangan sozlamasida. Baza o‘g‘irlansa ham ma’lumotni o‘qib bo‘lmaydi.
Faqat HTTPS
Telefoningiz va server orasidagi barcha aloqa shifrlangan. Bazaga internetdan to‘g‘ridan-to‘g‘ri ulanib bo‘lmaydi.
Parolsiz xavfsiz kirish
6 xonali kod 10 daqiqa amal qiladi, faqat bir marta ishlaydi va 5 marta noto‘g‘ri kiritilsa bekor bo‘ladi. Kodlar bazada ochiq emas, xeshlangan holda. Bir marta kirgach qurilma 30 kun eslab qoladi; xohlagan payt “Chiqish” yoki “boshqa qurilmalardan chiqish” mumkin.
Kim nimani ko‘radi
Har bir so‘rovda server tekshiradi: siz faqat o‘z ma’lumotingizni ko‘rasiz, yaqin odam — faqat siz ruxsat bergan qismni, shifokor — faqat muddatli havola orqali hisobotni.
AI va maxfiylik
AI’ga ism, familiya, email, aniq tug‘ilgan sana, telefon va yaqin odam kontakti hech qachon yuborilmaydi. Faqat savol, kerakli o‘lchovlar va umumiy ma’lumot: yosh, jins, tana massasi indeksi, diabet turi, faollik. Rasmlar saqlanmaydi.
Audit jurnali
Kirish, eksport, o‘chirish, ruxsat berish va olib qo‘yish yozib boriladi. Sozlamalarda so‘nggi kirish va harakatlaringizni ko‘rasiz.
Sizning nazoratingiz
Istalgan vaqtda hamma narsani JSON va PDF qilib yuklab olasiz. Akkauntni o‘chirsangiz, hamma narsa bazadan haqiqatan o‘chiriladi.
Server himoyasi
Serverga faqat SSH kalit bilan kiriladi, parol va root bilan kirish o‘chirilgan. Faqat 22, 80 va 443 portlar ochiq, fail2ban hujumlarni bloklaydi, tizim muntazam yangilanadi. Baza har kuni shifrlangan zaxiraga olinadi.
Qonunlar va tamoyillar
GDPR va HIPAA tamoyillari (minimallashtirish, maqsadga cheklash, rozilik, nazorat, shifrlash, audit) hamda O‘zbekistonning “Shaxsiy ma’lumotlar to‘g‘risida”gi qonuniga asoslanamiz. Qonun O‘zbekiston fuqarolarining shaxsiy ma’lumotlarini O‘zbekiston hududidagi serverlarda saqlashni talab qiladi — real ishga tushirishda serverni O‘zbekistondagi ma’lumot markaziga ko‘chirish rejamizda bor.
Etika
GlycoNest o‘zini shifokor deb ko‘rsatmaydi, tashxis qo‘ymaydi va davolashni o‘zgartirmaydi. Favqulodda bo‘limda AI ishlatilmaydi. Ma’lumotingiz hech qachon sotilmaydi, reklama uchun ishlatilmaydi va roziligingizsiz hech kimga ko‘rsatilmaydi.